- AD84, fonds Liffran, Maître Alexandre REY, 3E 32 / 505 f°529
- orthographe respectée
Mariage
Comme soit qua lhonneur de dieu
soit augmenta[ti]on de lhumain lignage
soit este traicte mariage par parolles
de l'advenir entre discret jeune homme
Jean AVID jardinier de la p[rese]nte cite de
Cavaillion fils naturel [et] legitime de feus
Steve AVID [et] honneste femme Marg[ueri]te
CHAISNETTE vivans mariés dudit Cavaillion
dune part et honneste fillie Spiritte
(Chaisnette) BOURTOUMIOUERE fillie naturelle
[et] legitime de Jean BOURTOUMIOU jardinier
de lad[icte] ville [et] d'honneste femme Clere
MEIRENQUE mariés de lad[icte] ville d'aut[re]
et ce on traicte de leur communs
parants [et] amis de part [et] d'autre ici
assambles de parans que le presant
mariage sorte son plain [et] entier
effect [et] que moyenant layde [et] adsistance
de dieu saccomplisse.
Or est il que ce jourdhuy dix huictiesme
du mois de decembre annee mil
six cent cinquante pardevant moy no[tai]re
soussigne [et] en p[rese]nce des tesmoins cy bas
nommes se sont personnellemant
establis led[ict] Jean AVID dune part [et] lad[icte]
Spiritte BOURTOUMIOUERE dau[tre] futurs
espoux procedant lesd[icts] AVID et BOURTOUMIOUERE
scavoir led[ict] AVID avec ladsistance de
Jean PEGO son oncle maternel [et] dautre
siens parants [et] amis [et] lad[icte] BOURTOUMIOUERE
avec ladsistance et authorité de sond[ict]
pere moindres lesd[icts] futurs maries
de vingt cinq ans maieurs ainsy
quan dict et scavoir led[ict] Jean
AVID futur espoux de vingt ans ainsy
qua dict et lad[icte] Spiritte de dix sept
ainsit que son dit pere avec elle ont
pareilliement assure [et] par ainsit
ont renonce [et] renoncent au certifica
de minorité [et] a toute restitu[ti]on [et] entier
moyenant daultre sermant que chacun deux
ont presté sur les sainctes escriptures
entre les mains de moyd[ict] no[tai]re par eux
manuellemant touches lesquels de leur
gres [et] pour eux tant seuleman se sont
promis et promettent lun lau[tre] se
prandre en vrai [et] legitime
espoux et de solamnises mariage ensamble
en face de n[o]tre s[ainc]te Eglise ainsin
quest de coustume entre les fidelles
chrestiens et ce a la premiere [et] seule
requi[siti]on de lun diceux et ainsin lont
promis [et] jure.
Et dautant que de toute conoiessance
[et] de bonne [et] louable coustume de la
part des femmes est constitue dot
aux hommes pour le plus facile
support des charges du mariage [et]
ceste cause pardevant moy no[tai]re [et]
tesmoins soubsnommes soit personnelle[ment]
establi led[ict] Jean BOURTOUMIOU pere
de lad[icte] Spirite future espouse lequel
a son bon gré pour luy et ses shoirs
a constitue [et] assigne constitue [et] assigne
en dot pour dot [et] au nom [et] cause
de dot a lad[icte] Spiritte BOURTOUMIOUE
future espouse [et] pour aud[ict] Jean
AVID son futur marit p[rese]nt stipulant
pour eux [et] les leur la somme de
trois cents livres tournoisis monoye
courant au p[rese]nt pays payables
ainsin que led[ict] BOURTOUMIOU a promis
[et] promet scavoir en deniers comptans
pistolles dor aussy d'Espagne et
somme de cent livres aussi tournoisis
tout ainsi que lad[icte] somme aux susd[ictes]
especes lesd[icts] maries ont heue et receue
dud[ict] BOURTOUMIOU p[rese]nt stipulant pour luy
[et] les siens et par led[ict] Jean AVID retires
[et] embources au veu [et] p[rese]nce de moy dict
no[tai]re [et] des tesmoins cy apres nommes
dont contans [et] bien payes en ont
quitté [et] quittent led[ict] BOURTOUMIOU et
reception a ce contraire laquelle
somme de cent livres sus receues couvrant
toutes les autres sommes des deniers que
led[ict] Jean AVID futur espoux exigera [et]
recouvera de ladvenir des droitz [et] dot
de lad[icte] Spiritte de son bon gre pour
luy [et] les siens dez maintenant
comme pour lhors recognoist [et] asseure
en faveur de sad[icte] future femme p[rese]nte
stipulant pour elle [et] les siens sur
tous [et] ungs chacuns les biens p[rese]nt [et]
advenir avec promesse que led[ict] Jean
AVID faict de randre [et] restituer lad[icte]
somme sus receus ensamble toutes les
au[tres] quil aura receu a lad[icte] Spiritte
stipulante le cas de restitu[ti]on arrivant
que dieu ne vueillie plus a bon
compte [et] en deduction de lad[icte] somme
de trois cenz livres led[ict] BOURTOUMIOU
donne cedde [et] remet aux d[ict]s futurs
maries p[rese]nts stipulans pour eux [et] les
leur ([et] pour cette) ung fonds [et] capital
de trante deux escus a trois livres
piece monoye de ce pays portant
pan[ti]on annuelle [et] perpetuelle de huict
flourins a ch[ac]un vingt cinquiesme
d'avoust a prandre exiger recevoir [et]
recourer lad[icte] pan[ti]on ensamble sond[ict]
fonds en cas d'extinction de Pierre BOUYER
dud[ict] Cavaillion a quoy led[ict] BOUYER ensamble
feu Pierre JOURDAN se treuvant deube
soubsmis [et] obliges a la faveur dud[ict]
BOURTOUMIOU par acte receu par m[aîtr]e
Thomas BLASE no[tai]re dud[ict] Cavaillion le
vingt cinq[uies]me jour d'avoust de lannee
derniere 1649 de laquelle pan[ti]on lesdictz
futurs maries en jouiront entieremant
au vingt cinq[uies]me d'avoust prochain [et] ainsin
continueront den jouir a samblable jour
de ch[ac]une annee jusques a l'extinction
dicelle procedant led[it] capital de la vante
sise au terroir dud[ict] Cavailhon [et] cartier
appellé des banquez deubement confront
[et] designee dans led[ict] acte de vente receu
par led[ict] s[ieu]r BLASE ensamble ledict
BOURTOUMIOU a ceddé [et] remis aud[ict]
futurs maries le prorratta de lad[icte]
pan[ti]on que coureu depuis le
vingt cinq[uies]me d'avoust dernier passé /jusques au p[rese]nt jo[u]r/ [et] que
courira a ladvenir jusques aud[ict] jour
vingt cinq[uies]me avoust prochain et les droitz
noms actions obliga[ti]ons [et] hypotheques
que ledit BOURTOUMIOU a [et] luy competent
peuvent compter [et] appartenir tant sur
lad[icte] terre cy dessus enoncee que aux
biens dud[ict] Pierre BOUYER tenu en vertu
de l'acte receu par led[ict] s[ieu]r BLASE
que autremant comme que ce soit et le
restant de lad[icte] somme en dot constitue
led[ict] BOURTOUMIOU a promis [et] promet /payer/
a qui dessus dans un an apres la
consuamma[ti]on du p[rese]nt mariage a payne
de tous despans qui sen pourroint
ensuivre et en outre lad[icte] Spiritte
future espouse adsistée [et] authorisée de
sond[ict] pere de son gre pour elle [et] les
siens soit constitue [et] assignee constitue
[et] assigne en dot pour dot [et] au nom
[et] cause de dot [et] pour elle aud[ict] AVID
son futur espoux stipulant tous [et] unt
ch[ac]un ses autres droitz noms raisons
actions meubles [et] immeubles p[rese]nt
[et] advenir quelques ou que soict poses [et]
assis et en quoy que consistent puissent
estre [et] consister desquels elle a fait
sond[ict] futur mari vray seigneur [et] m[aît]re
[et] procureur legitime [et] irrevocable pour
desd[icts] droictz en faire jouir [et] disposer
a toutes ses vollontes comme [et] tout
ainsin quest permis a ung ch[ac]un mari de
disposer des biens dottaux de la femme
duquel fonde ensamble de lad[icte] pan[ti]on
et prorratta le dessaisissant et divestissant
led[ict] BOURTOUMIOU a investie [et] saisi
les futurs maries par beail [et] louyer
de leur mains mutuelle[ment] faict avec chacunes
desd[ictes] parties a laccoustumee led[ict] faisant
[et] constituans vrays seigneurs [et] m[aitr]es
[et] procureurs legitimes [et] irrevocables pour
lad[icte] pan[ti]on ensamble sond[ict] fonds [et]
capp[it]al en cas d'extinction exiges [et]
recouvres de qui dessus en acquittes en
deube forme (et] autremant en faire jouir
disposer [et] ordonner comme ledit
BOURTOUMIOU pouvait faire avant la
passa[ti]on des p[rese]ntes avec promesse
de faire avoir jouir [et] tenir ledit
fonds [et] cappital [et] lad[icte] pan[ti]on
au susd[ict] jour de chacune tant et si
longuemant quelle sera deube encore
tous quil app[artien]dra et destre attenu de
toute eviction [et] garantir en bonnes
deube forme ayant led[ict] BOURTOUMIOU
en signe de vraye remission remis l'acte
de vante de lad[icte] terre signe BLASE
avec pache convenu [et] accordé entre
les parties que led[ict] AVID sera tenu
insin quil a promis [et] promet achaipter
a sad[icte] future femme une ceinture
et ses aul[tres] app[endic]es avec deux anneaux
dor aux propres frais [et] despans
dud[ict] AVID et led[ict] BOURTOUMIOU promet
achaipter a lad[icte] fillie a sa premiere
un anneau dor [et] luy baillier (et] livrer
le jour de leur espousaillies un coffre
bois noyer fermant a clef lesquelles
ceinture anneaux dor [et] habitz faicte
et a faire [et] que se trouveront au tamps
de leur deces [et] trespas app[artien]dront au
survivant espoux.
Et arrivant le cas que led[ict] Jean AVID
ensamble lad[icte] Spiritte BOURTOUMIEUNE
futurs espoux vinsent a mourir [et] descede
de ce monde en lau[tre] avec ou sans enfans
nes [et] procreer du p[rese]nt mariage lun
avant lau[tre] aud[ict] cas de predeces se
sont donnes [et] donnent lun a lautre
en augment de dot [et] a cause de nopces
par donna[ti]on que se faict entre vifs a
tousiours vallable cest led[ict] AVID et
lad[icte] Spiritte la somme de vingt escus
susd[icte] monoye [et] valleur [et] lad[icte] Spiritte
/de la licence de sond[ict] pere /
aud[ict] AVID soubs deube stipula[ti]on la
somme de dix escus susd[icte] monoye a
prandre sur les biens du predescede.
Le p[rese]nt acte de mariage paches
[et] tout soit contenu ont promis [et]
promettent lesd[ictes] parties contractantes
mutuelles [et] reciproques stipula[ti]on de
part et daul[tre] avoir respec(tivement)?
a gre [et] ni contrevenir a peyne de
tous despans dommaiges [et] intereste estre
qui sen pourroint ensuivre pour a quoy
estre contrainz ont soubsmis [et] obligé
tous [et] ch[acu]ns leur biens p[rese]nt [et] advenir
aux forces [et] rigueur de toutes cours
requises en bonne [et] deube forme ainsin
lont promis [et] juré [et] renoncé de quoy
faict [et] recitte aud[ict] Cavaillion [et] dans
dud[ict] BOURTOUMIOU en p[rese]nces de mons[ieur]
Ferrande ROCHE marchand phorin dud[ict]
Cavail[lion] André ROSTANG [et] sieurs Remond et
Spirit BONILEAU pere [et] fils h[ab]itans
aud[ict] Cavail[lion] tesmoings requis [et] appelés
soubs[ignes] ou soubsmarques avec les parties
qui la sceu faire.
[Ferande ROCHE, André ROUSTAN, BONILEAU, BONILEAU, marque dud[ict] AVID][3] Le patac, pièce de monnaie provençale constituée d'un alliage de cuivre et d'une faible dose d'argent (d’où son nom de billon ou monnaie noire). Elle valait un demi-liard ou 1 denier et demi.