- AD84, fonds Rousset, maître Henri BLAZE, notaire à Cavaillon (84), 3E 33 / 896 f°174
- orthographe respectée
Testament de m[ait]re Claude
AVI travailleur dict Pantalon
Scachent tous que lan mil six cent
huictante six et le treiziesme jour du mois
de juin pardevant moy not[aire] soub[sign]e [et] les
tesmoins apres nommes personne[llemen]t estably
m[ait]re Claude AVI travailleur de cette ville
de Cavaillon dict Pantalon lequel sain de
son entendement et estant en ses bon sens
memoire vue ouye et ferme propos
grace a dieu bien que par le vouloir dicelluy
se treuve indisposé de son corps considerant
en ce monde ne ny avoir rien de plus certain que
la mort ny chose plus incertaine que le
jour et heure dicelle voudroit pendant
quil a loisir et raison en luy dominé
disposer des biens qua plus a dieu luy donner
en ce monde a ce que apres son deces entre
ses enfants parents succedants et amis ny ayt
aucun proces question ou debat a cette
cause en la meilleure forme facon et
maniere quil a peu a faict [et] ordonné
son dernier et vallable testament
nuncupatif et disposition finale de sesd[icts]
biens a la maniere que sensuit et
premierem[ent] se munissant du venerable
signe de la saincte croix disant in nomine
patris et filii et spiritus sancti amen a
recommandé son ame a nostre seign[eu]r
Jesus Christ avec intercessions de la Glorieuse
Vierge Marie sa benoiste mere et de
tous les saincts et sainctes de paradis
priant la divine bonté quand son bon
plaisir sera appeller l'ame de son corps
la vouloir colloquer parmy ses esleus et
a led[ict] Claude AVI testateur esleu la
sepulture de son corps soubs les cloistres
de leglise cathedrale dud[ict] Cavaillon dans
laquelle veust sond[ict] corps estre ensepveli
et ses obseques et funerailles faites dans lad[icte]
eglise pour lesquelles funerailles et les
suffrages de son ame et de ses parents et
amis decedez a laissé et legué telle somme
despanser distrubable en messes aummones
et autres oeuvres pies les jour de son
enterrement nouvaine et bout de lan
par mons[ieu]r Spirit BONILEAU dud[ict] Cavaill[on]
lequel led[ict] testateur nomme pour executeur
du p[rese]nt testament aux choses pies luy
donnant tout pouvoir qua telle charge
appartient, item a legué et legue led[ict]
testateur a Blanche AVI sa fille naturelle
et legitime et de lad[icte] Isabeau COUTURIERE
femme de Jean Jacques VIAU fils de Claude
la somme de cinq escus monnoye courante
paiables apres le deces dud[ict] testateur et
sont lesd[icts] cinq escus autre et par dessus ...
led[ict] testateur a donné ou constitué en dot
a sad[icte] fille dans son contrat de
mariage par elle passé avec led[ict] VIAU
reçu par mons[ieu]r Georges VIAU not[aire] dud[ict]
Cavaillon et an et jour y contenent comme
a dict et en outre pour tous et
ch[asc]ungs les autres droits mesmes de
leg[iti]me ou suplement dicelle que lad[icte]
Blanche et a son deffaut ses enfants
pourroint avoir demander [et] prethendre
sur les biens et heritage dud[ict] testateur
linstituant en ce son heritiere particuliere
[et] a son deffaut les enfants dicelle par
egales parts et portions, item a legué [et]
legue a lad[icte] Isabeau COUTURIERE sad[icte]
femme tous et ch[asc]ungs les fruicts ususfruicts
services et commodites de sesd[icts] biens meubles
immeubles et heritage et ce tant que
sad[icte] femme vivra en ce monde soubs
le nom vidual dud[ict] testateur et venant
elle a se remarier ou a mourir a
tout cas tel ususfruict cessera et sera uni
/ aud[ict] Paule AVI sond[ict] fils [et] heritier /
et a son deffaut aux enfants dicelles
[et] consolidé avec sa propriété au profist de son
heritier apres a nommer linstituant aud[ict] legat
son heritiere particuliere la chargeant de paier
les pensions et charges que sesd[icts] biens se
treuveront charges et de nourrir chausser
et vestir tant en santé qu'en maladie
sond[ict] heritier en travaillant sond[ict] heritier pour
le profist commun de sad[icte] femme et ne voulant
sad[icte] femme accepter led[ict] legat desd[icts] fruicts au lieu et
place dicelluy luy a legué et legue par mesme droict
de legat com[me] dessus la somme de douze escus
monnoye courante paiable annuell[emen]t a sad[icte]
fem[me] tant quelle vivra comme dessus et venant
a mourir ou a se remarier telle pention
cessera, premiere paie commenceant du
jour du deces dud[ict] testateur en vu au
et moyenant lad[icte] pention lad[icte] COUTURIERE sera
teneue exiger ses dot [et] droict dotaux et
advantages matrimoniaux dans sond[ict] heritage
tant quelle vivra com[me] dessus, item a
legué et legue a tous et ch[asc]ungs les autres de son
parentage tant en consanguinité affinite que
a[utre]ment l'obmission desquel pourroit rompre ou
invalidé le p[rese]nt testament cinq sols a ch[asc]ung
deux paiable apres le deces dud[ict] testateur. Et
dautant que linstitution dheritier est le chef
et fundement de ch[asc]ung testament a cette cause
led[ict] Claude AVI testateur en tous et ch[asc]ungs
ses autres biens meubles immeubles noms
droicts raisons actions ou que soint pasés et
assis et en quoy que consistent puissent estre
et consister presans et advenir quelques
a faict institué [et] ordonné [et] de sa propre
bouche a nommé et nomme et veust que
soit son heritier universel scavoir est
Paule AVI son fils naturel et legitime et de
lad[icte] COUTURIERE seul et pour le tout par lequel
a vouleu les legats par luy faict estre paies [et] sa
volonté accomplie et venant led[ict] Paule AVI
a se marier estant lad[icte] COUTURIERE encore en
vie et jouissant du legat desd[icts] fruicts a elle
faict et ne voulant icelluy AVI aud[ict] cas de
mariage cohabiter avec sad[icte] mere a tel cas
led[ict] testateur a chargé [et] charge sad[icte] femme
de desamper / aud[ict] Paule AVI sond[ict] fils [et] heritier /
de sesd[icts] biens et heritage jusques a
la concurance de cent escus et au cas
que led[ict] Paule AVI vienne a mourir
sans enfants naturels et legitimes icelluy
testateur a substitué [et] substitue vulgairem[ent]
[et] par fideicommis lesd[icts] biens et heritage
a lad[icte] Blanche AVI sad[icte] fille chargeant led[ict]
testateur et tant que de besoin sad[icte] fem[me]
acceptant led[ict] legat de suffire de faire un
succint inventere domestic de sesd[icts] biens
[et] heritage moyd[ict] not[aire] escripvant a la
p[rese]nce de deux temoins seulement sans
quelle soit teneue de faire aucun aultre
inventere de quoy led[ict] testateur len a
descharger et descharge pour rentes fixes
[et] despans comme aussy de donner
aucune caution de utendo fircendo
arbitrio boni viri prohibant tres
expressement led[ict] testateur a tous sieurs
juges et magistrats de justice de se mesler
aucunement aux confusion dinventere
cest le dernier et vallable testament
nuncupatif dud[ict] testateur qua vouleu
valloir pour tel et sil ne veut par droict de
testament nuncupatif a voulleu valloir
par droict de codicil donnation a cause de
mort moyd[ict] not[aire] com personne publique
pour tous les intheresses ab[se]nts stipulant
et par toust aul[tre] meilleure disposition de
derniere volonté quil pourroit avoir
faictes par cy devant bien que en icelles
ou aucunes dicelles feussent mises et opposees
quelques clausules derrog[atoi]re ou derrogataire des
derrog[atai]res desquels a declaré moyenant serem[ent]
par luy pacser touchees les scriptures entre les
mains de moyd[ict] not[aire] ne seu ressouvenir
que sil seu ressouvenoit en fairoit faire
faire expresse et particuliere mention en
ce sien p[rese]nt dernier testament qua vouleu
et veust quil sorte son plein et entier effect
pour estre ainsy telle sa volonté comme
a dict, priant et requerant les tesm[oins]
apres nommes a sa requisition assemblés
et par luy bien conneu com a dict que de
ce sien p[rese]nt dernier testament vueille
estre tesmoins et records et den porter
tesmognage de verité quand requis en
seront et moyd[ict] not[aire] den prendre acte et
en expedier un ou plusieurs instruments a ce
quil appartiendra qua esté faict et recite
aud[ict] Cavaillon dans une des chambres de
la maison dhabit[ation] dud[ict] testateur visant
la rue [et] par luy teneue en arrentement
dud[ict] s[ieu]r BONILEAU, en p[rese]nce dud[ict] s[ieu]r BONILEAU,
de m[ait]re François CAVALLIER appo[thicai]re de s[ieu]r Honnoré
MICHEL, de Vincens REYNE cordoniers, de Jacques
FABRE, de Pierre COURCIER, et de m[ait]re Cesar LAVAL
fustier, habitants dud[ict] Cavaillon tesm[oins] requis de
signes excepte led[ict] LAVAL qua dict estre illit[ere] comme
aussy led[ict] testateur a dict estre illit[ere] de ce enquis par
moyd[ict] not[aire].
BONILEAU, F. CAVALIER, Jaque FABRE, Vincent REYNE, Pierre COURCI
Et moy Henry BLAZE not[aire] public ap[osto]lic soubzsigné
BLAZE